بیشترتوضیحاتافزودن یادداشت جدید جيف الحريم ابغير والي تقْطع البيد و الشّام يَـبن امّي علينا دربـه ابعيد مـشي الحريم ابليل فـوق الهـزَّل امجـيـد لوعـثرت النّوق الهوادج لازم تمـيل محمل اسكينه لو تزَلْزَل من يجي له ولو طاح من عدْنـا طفل يـا هو يشيله و حادي الظّعن ترويعنا يبرّد غليلـه و هَلـبرّ لَقفر ما تقطعـه الاّ الرّجاجيل و حرْق الخيم يحسين ما خلّى لنـا حال و احريمكم ذوّب قلبها فـقد لرجال و الله مَضل الـنا جلد لرْكوب لجـمال و ما غمّضت عيني و لاساعه من الليل يردونا انسافر يـبـعد اهلي و نخلّيك ياليت من قبل السّفر نقعد نواريك هـذا لفراق اُو وين يَـبن امـي انلاقيك لـَتـقول خلّتـني العـزيـزه ابغير تغسيل لَـتقول عـنّي سـافروا مـا ودّعـونـي شـالوا خــواتـي و للقبر ما شـيّعوني يـا ليـتهم ويّـاك بـالـبر يتركـونـيولاروح حسره اميسّره فوق المهازيل
قطع الرؤوس و مرور النساء على المصارع
بن سعد صاح ابعسكره هـيّا يَفرسان بالعجل عزلوا الرّوس كلها عن هلبدان
* * * * * * *
كلمن يريـد الغـانمه ويكسب الـنّوماس و يصير مُخْـلِص للأمير ايواجهه ابراسو سهمي أنا راس لحسين و راس عبّاس و هذي جنايزهم طبق داخل الصّيوان مالوا على ذيـج الضّحايا وكلهم اولاد ياغيرة الله الرّوس فصلوها امن لَجساد فكّر اوْيـاي اتصوّر الفِعـلَـة هَلَوغاد رفـع المصاحف بالطفوف اتمثّل وكانو ردّوا يخـلق الله الجثـثهم سلّبوهاوَكْت الـتّعرّي اشمال يمـنـه قـلبوها فوق الـثّرى الاجساد والرّوس ابعدوها دمها غسل واجفانها سـافي التّربان الله يعين اقلوبـها ذيـج الـنّـسـاوينتـعهـد اجساد بروسها موتى ومطاعين وصبح احدعش مرّن على ظهور البعارين وشافن الرّوس امقطّعه اشحالة النّسوان خرّن و ليلى تصيح بالله يا سكينه شوفي أخيّـج جـان جسمه تعْرفـينه قالت اعرفـه من نفح طيبه و لونه لكن ثيابه مسلّبه و الجسـد عريان أهوت تقلّه ذاب قلبي ياضيا العين هذا الجسد مسلوب راسك يالولد وين هاللي قطع راسك عسـى تنشل اليدين مـنّه ولا يلقى ابحياته غير لَحـزان و رمـله تـنادي من يدلّيـني يَلسـلام ابـيا كتر خلوه مرمي جسَد جسّام و لـنّه بليّا راس عاري فـوق لرغام خرّت وصاحت ريت يبني العمر لاجان ما جان اعرفك ياعزيزي و لو أشوفك الرّاس انقطع يبني واعرفك من جفوفك يبني حدى الحادي شلون امشي واعوفكمغسّل بدمّك والتّرب صاير لك اجفان
و الله هضيمه انشيل عـنّـه و لا نورايه جسـمه امرضّض و التّرايب سافيه عليه نمـشي بـلا والـي و واليـنـا نخـلّـيـه بـالظّعن بـالله خـبّروني القصد لاوين بالله دخَبروني قصدكم وين بـيــنامَـتْرد جوابي يالذي اتسوق الظّعينه رايـح الكوفـه لـو تودّونـه المـديـنـه بالله درحمـوا هالعليل وهـالنّساوين لحسين صدت و الدّمع يجري بلخـدود دقـعد تقلّـه يالذي بالشّمس ممـدودعاين يخويـه امـتونّا مْن اسياطهم سـودوحادي الظّعن طوّح واظن للشّام ماشينوالله يـبو السجّاد أنــا لـو خيّروني أمشي و اعوفك لو ابهالبر يتركونيبس كون اروّي قبرك ابمدمع اعيونيولو كلتني اسباع الضّواري ياضيا العينما جان خلّيتك رمــيّه ابهالـتّـرايـب لكن شـسوّي ابهاليـتامى و الغرايبيـا هو اليـباري هالظّعينـه ابهالسّباسبو هاللي على النّاقه يوِن مغلول ليدينتـدري العدو يحسين ما يرحم عدوّه و شمر و زجر و سنان ما بـيـهم امروّهواحنا عقب لُطْف الولي وعطفالأخوّه غير الشّتم والسّوط ما نحصل يَطـيـبينيحسين تدري ساعة الهجموا علــينا و النّـار شـبّوا بالخـيام اشـصار بـيناكلّ الخيـم راحت و ملجا ما لقـينا وحدي وعلى ملاحظ ايتامك مالي معين{ الناظم }حسين يَبْن المصطفى وشبل الزجيّه توفـيق راجـي ابخدمـتك يزداد لـيّه ونصره وكفاية كـل عـدو منّك عطيّه رابي بظلّك من زغـر يَبْن الميامين
عتاب زينب للحسين وسائر الشهداء
يحسين مـحّد من انصارك ثار ليّـه قبل اليسر والضّرب و ركوب المطـيّه
* * * * * * *
شبيدي يَنور العين ذاك العـز ما دام نركب هوازل و العـدا يحسين ظلاّم و اعظم عليّه يوم قالوا انريد للشّام و انتـو عفتكم بالثّرى غصبٍ عليّهالله يفرسان الحرب قـلّت شـيَمكم ترضون شمر ابن الخنا يْفَرْهِد خيَمكممن النّوم بسْكم يخْوتي وفكّوا حرَمْكُم فـي وين راحت ذيـج لـنفوس الأبـيّـهمَتْقوم ياجاسم عروسك شقّت الجـيب و الحق عليها قاست امن القوم تعذيبمن قبل ذبح حسين ما تعرف التّغريب ظلت غريـبه من بعدكم واجنـبـيّهخلّيت يا شـبه الـنـّبي لـيـلى حزيـنه مَتْشوف يبـني بعدكم جيف انولينـامنْهو يـبعد اهـــلي يردها للمـدينه تدرون يـبني القوم ما بـيـهم حمـيّه وصدّت لبو فاضل ودمع العين هـمّال نـادت يخويـه قـوم حادي اظعونّا شـالماظنّتي ترضى الحراير تركب اجمال عقب الخــدر للشّام تتودّى هديّـهوقفت على جسمه وهي عبرى تناديـه دقْعد يَمَنْ قطعوا على جوده أياديهماظن يخويه الشّام ترضى انشوف واديه يَـكـرام مـا تـاخـذكم الغـيره عليّـهبظلالكـم عشنا ولا نـقدر على السّـير و الكـل مــنّا معـوّده بعـزٍ وتخـديروتركب بليّا هودج عْلَى الجمل مَيصير و انتَ الجـبِتْها بذمّـتك للغاضـريّـه
خطاب زينب مودعة أخوتها
ودّعتك الله يا جسـد حـامي الظّعينهسـاقوا مطايـانا العدا و قوّه مشينا
* * * * * * *
ودّعتك الله يا ذبـيحٍ ما احتضى ابماي عـنّك ينـور العين سافرت ابـيتاماي يمقطّع الاوصال لو يحصل عـلى اهواي ما فارقت جسمك يسلطان المدينه ودّعتك الله سفرتي صعبه وطـويله يحْجاب صوني ناقتي عَجْفَا و هزيلـه محّد بقى منكم يعـــقلي نلتجي لـه بس العليل و فـوق ناقـه امقـيديـنه ودّعتك الله يا طريـحٍ ظـل عريان يـالـيت خلّوا لك يخويـه اثيابك اجفان شال الظّعن عنكم ووالي الحرم وجعان كلما سمـع طفله تـون ايدير عينه اوداعة الله يا عرايـا ابحـر لشموس صرعى وعليكم يخوتي خيل العدا تدوس أقـعد اوياكم لو أقـوّض و اتـبع الرّوس بـيتامكم شمـر الخـنا قوّض اظعونه اوداعـة الله الرّوس شـالت ويّـا لَيـتـام ما ظـنّتي ابهالحال لَقشـر نوصل الشّـام حافظكم الله يا علي الاكبر وجسّـامو يَاللّي على المسناة مَتْقوم انولينه ودّعتك الله يا قمر هاشم يَسـِردال نايـم ابجنب المشرعه و ظعن الحرم شال من يعدل الهودج يخويه لو صغى ومـال قطع الفيافي بلا ولي ويني و ويـنه يا خوي دورات الدّهر كلهـا عجـايببالامس حولي اشبال من فرسان غالب واليوم راسي من الهضم والضّيم شايبنمشي حواسـر و الولي يبقى رهينه
زينب تودع و تصف ويلات السفر
ساقوا الظّعينه امن الصّبح كلها نساوينمــا بـيـنـها السجّاد و مقـيّد الرّجلين
* * * * * * *
تدوي مثل دوي النّحل من كثرة النّوحو تغريدها مثل الحمام ابعالي الدّوح وخلوا دربها بـين مطعونٍ و مذبوحاشحال الودايع يوم شافن جثّة حسين و زينب تنادي يالذي ما مِشْ مثيلكيحسين سـامحـني تـرى مَقْدر اشيلك دقْعد و عاين حالتي و حالة عليلكمشدود بالنّاقه وانـا اتستّر بليدين واومت الشاطي العلقمي وصاحت يَسردال عـبّاس سامحني ترى حادي الظّعن شال كلنا حريم و بـيد اعادي ولا لنا ارجال بوداعـة الله لليسر عـبّاس ماشـين غصبٍ عليّه امشي وجسمك ما أشوفه و حسين قـلّي كافلج قطعوا اجفوفه خويـه قـبلـنا روسكـم وصلت الكوفـهو هـاي الظّعينه تريد والي ولالي معين هذي قتَبها بلا وطـا وطايح طفلهاو هذي ابحـثيث السير بس هايم جملها وهذي على عجفه وهزيلـه ومحّد الـها كلهـم أعـادي والعـدو قلـبه فلا يلين و آنـا الذي تدرون بــيّه يا بهاليـل ما زور جدّي المصطفى الاّ ابْظلمة الليل وحـيدر أبويـه يخمد انوار القناديـلوامشي بمعزّه بين اخوتي الحسن وحسين شاقول لو طبّيت للكوفه و اهــلها يدرون زينب بالخدر ما مِشْ مثلها و تاليها زجْر ابن الخـنا قايد جملها و كل سـاع يـزبرْني ويقـلّي لا تحـنّين لو قلت يا يابه عدى اعليّه و شتَمني و لو قلت يخواني ابكعب رمحه وكزنيو الله يخويه امن السّياط اسود متني اشحال اليـباريها عدوها يا مسلمين
لطفا منتظر باشید ...
