جمرات الودیة نسخه متنی

اینجــــا یک کتابخانه دیجیتالی است

با بیش از 100000 منبع الکترونیکی رایگان به زبان فارسی ، عربی و انگلیسی

جمرات الودیة - نسخه متنی

| نمايش فراداده ، افزودن یک نقد و بررسی
افزودن به کتابخانه شخصی
ارسال به دوستان
جستجو در متن کتاب
بیشتر
تنظیمات قلم

فونت

اندازه قلم

+ - پیش فرض

حالت نمایش

روز نیمروز شب
جستجو در لغت نامه
بیشتر
توضیحات
افزودن یادداشت جدید

عبّاس و اخـوانـه عليهم ذاب لـفّاد

اعزاز عندي و حزنهم بالقلب وقّـاد

وحسين فَتْ قلبي ونسيت افراق لَولاد

فـدوه لبوسكنه أولادي يا مسلمين

يا ليت عـندي مْن الولد سـبعين مولود

بالمرجــله كلها مـثل عبّاس و تزود

تنذبح و ابن المصطفى لديـاره يعود

سـالم و لا تـنضام زينب والخواتين

زينب تبث الخبر للنبيّ...

اتعـدّد مصايبها الوديعه و تهمل العين

اتصيح استمع شكواي يا خير النبـيّـين

* * * * * * *

صبح احدعش من كربلا ساقوا الظّعينه

بَـيـتام تـتـصارخ و مـعلول ابونـيـنـه

و قبال وجهي راس أخـّيي شايلـيـنه

كلما تحـن طـفله عليـها ايديـر بالعـين

نقصد الكوفه بالسّرا والجو مسعور

سـيرٍ حثيث و بالسَموم قلوبنا تفور

و لو طاح من عدنـا يـتيم ابذيـج لبرور

ننْخى عدونا والعدو قلبه فلا يـلين

و ابكل مـرار و ضيم للكوفه وصلنـا

و بـحالـةٍ قـشـره ابـجــانـبها نزلـنـا

ويلاه يجدّي يوم اهلها طلعت الـنا

تتصدّق عْـلَى ايتامنا مثل المساكين

أحجي بتفاصيل الهضم واسمع يَمُخـتار

احنا ملاذ الضّايعه واحنا حمى الجار

و تالـيها تـتصدّق عليـنا صبـية النّار

وقـالوا خوارج خارجه عن ملّة الدّين

وتالي من الكوفه يجـدّي قصدوا الشّـام

دربٍ طويـل وبين اعادي وحرم وايتام

انتحلت يجدّي اجسادنا من ذيـج لَـيّام

و بـس مـا وصَلْناهـا لقيناهم امعَيْدين

بـزمورهم طلعـوا تلـقّونـا و طـارات

و احـنا وصلنـا بالبواجي والـتّلاوات

وراس الشّهيد عْلَى السّنان ايرتّل آيات

جدّامنـا ويلحظ ايـتامه و النّساوين

و المجلس الميشوم بيه اهوال شــفنـا

أطفال و أرامل بالحبل خولي جتفنا

يا رحمة الله بلا سـتر كلـنا وقفـنا

والخلق تـتـفرّج عليـنا شمال و يمين

شكواها لجدّها النبي

وقفت على قبر النّبي زينب تنادي

دنهض و عاين حالـة العتره يَهـادي

* * * * * * *

جيتك يجدّي مْن اليسر بشكي لك الحال

عنّك طلعنا بهـيمـنه شـبّان و ابطال

ياحجّة الباري ورجعنا حرم واطفال

طافـوا بـنا العدوان مـن وادي الوادي

جاروا علينا و عن جوارك شرّدونا

و لذنـا ابّـيت الله يجدّي وازعجونا

و بس ما نزلنا كربلا و بـيها احصرونا

ودارت علينـا جيوش بَرْماح وهنادي

التمّت علينا من نزلنا كربلا جموع

ولزمـوا شرايعها وعلينا الماي ممنوع

و هلكت يجدّي اطفالنا من العطش و الجـوع

وحسين رضّـوا جـثّـته بـدوس العـوادي

وانذبحوا اخواني عطاشى بجنب لفرات

و نهـبوا مخـيّمـنا و سلبوا الفاطميّات

وساعة القشره من لفتنا الجيش غارات

جم ارملـه فرّت يجدّي ابقلب صادي

حرقـوا امـخـيّمـنا و بـناتك سلّـبوها

اتدافـعهم الحرمـه يجـدّي و يضربوها

يا رحمة الله وجم يتيمه اللّي اسْحـقوها

وماتت وانـا متْمَرمـره وذايب افّـادي

بـتـنا يجدّي بالفضا والطّنب محروق

نـنـعى على اخوتنا ومـنّا الدّمع مدفوق

ومن صار ياجدّي الصّباح وجابوا النّوق

هزّل ابغير مْهاد واللي اتسوق اعادي

ومرّوا يجـدّي المعركه وشـفـنا المطاعين

وجبدي تفتّـت يوم عـيني شافت حسين

عاري وعلى وجهه وبلا راس وبلا يدين

وبس ماوقعنا عْلَى الجثث صاحوا الحوادي

تدري يجدّي اشصار من حادي الظّعن صــاح

أهـوت علـينا سياطهم و كعـوب لَرمـاح

وكلما يركبون العليل عْلَى الجمل طاح

وشدّوا ابرجله سلسله وغلّوا الايادي

بكاء أم البنين أولادها

بَـقصى المدينه ام البـنين اتصيح بالويل

تندب يَـبوفاضل يَصنديد الرّجاجيل

* * * * * * *

يقولون يَـبْني باللوا شقّيت لصْفوف

ودارت عليك القوم يَـبْني بْزان وسيوف

و اوقعت يَم المشرعـه مقطوع لجفوف

مفضوخ راسك والدّما مْنجروحك تسيل

يقولون طبّـيت النّهر وطْلعت عطشـان

و ارجعت قلـبك بالظّـما ملتهب نيران

ما صار مـثلك يـاضيا عيـني بلَخوان

لجلك أواصل بالبجا انْهاري مع الليل

يقولون راسك يوم حطّه بحجره حسين

للقاع ردّيته يَعقلي و يـا ضيا العين

ياريت مـثلك يالولد تنذبح سـبعين

ولاجان صدر ابن البتوله اترضّه الخيل

معلـوم يَـبني ضيّعت زيـنب و لَيتـام

حرمه وغريبه وضايعه والقوم ظلام

و الله حسافه انجان زينب دخلت الشّام

من غير والي و الولي مقيّد بزنجيل

لا تهيجون احزان قلبي يـا مسلمين

راحوا اولادي لا تسمّوني ام لبْنـين

لو راحوا اثنين و عليَّ ردّوا اثـنين

بَلْكَت عـليّ اتْهون جمرة هالمجاتيل

اشبال أربعه والنّاس كلهم يحسدوني

و كـل الخـلق يم البـنــين يخاطبوني

شـبّان كلهم فـرد سـاعـه فـارقوني

وظـلّوا ابعرصة كربلا من غير تغسيل

لا تذكروا لي هالإسم ذايب افّادي

مْـنين البنين وكربلا ضمّت أولادي

وراعي العلم مطروح مقطوع الأيـادي

وزينب بليّا رجال حسره عْلَى المهازيل

بكاء محمَّد بن الحنفيّة

محمَّد يهل امدامعه و يجذب ونـينه

يـنادي عليّه استوحشت والله المدينه

* * * * * * *

ومن عظم حزنه ايدور من دارٍ إلى دار

و قلـبه يويلي من المصايب يشـتعل نار

وامّ البـنين تسايلـه ما جت لـك اخـبار

في وين خيّم بوعلي وحط الظّعينه

قلها لفاني الـخـبر عـنّه ابهالعشــيّه

يقولون خيّم فـي طفوف الغاضريّه

مـا ظــنتي يَـمّ البنــين يـعــود لـيـّه

نصبي العزا ونوحي عليهم ياحزينه

هلّت مدامع عينها والقلب صـادي

و نادت ترى حجيك مرَد يَـبْني فؤادي

ذوّبت قلبي لا تـفاول على اولادي

يحرسهم الله و ترجع الشّبان لـينا

قلها دنوحي والبسي ثوب المصيـبه

هيهات أخوي حسين يرجع لرض طيبه

يـا لـيــتني ويّـاه جـيــدوم الحريــبـه

جم من شباب هناك يتعفّر جبـينه

يرجع أخيّي للمنازل بعـد هـيـهات

سـافر وخلاني علـيه اجذب الحـسرات

خوفي عقب عـينـه تضيع الهاشميّات

وخـوفي تروح ميسّره ذيـج المصونه

من يوم سافر هالخبر معلوم عندي

لو كاتب الله ما تركني حسين وحدي

ليت العلم عندي ولو ينقطع زندي

ملزوم شـــايل رايته تقـــطع يمينه

عندي الخبر واللي ذكرته لازم يصـير

الله يمـا راسٍ يطـيـح وكفٍّ يـطـير

وياما ضلوع تروح تحت الخيل تكسـير

وياما فـتاة امْن الخدر تطلع حزينه

بكاء الرباب لما نظرت وحشة الدور

جيت المدينه وهاج حزني ومفرقي شاب

و عاينـتها ظلمه و خلـيّه ابـيوت لَنجاب

* * * * * * *

وحياة راسك ياضيا العينين يحسـين

من يوم عاشر بالمحرّم يا ضيا العـين

ما غمّضت عـيني ولا بـطّلت لونـين

كل ساع تتمثّل بعيني يَـبن لَنجاب

مَـيْـغـيب عن عـيني جمـالك يـا حبـيبي

يا نـور عيني انقطع من وصلك نصيـبي

ولا فادني كثر الحنين و شق جيـبي

لهجر يعز الحرم بيتي واغلق الباب

مرّت عليّ ايّـام يا كعـــبـة الوفّــاد

بظلالك الضّافي عزيـزه يَـبن الامجاد

وهسّه محزْنه ولاانوضع راسي على وساد

عمـيَت عيوني والقلب يابوعلي ذاب

توقف اببّاب الدّار واتهل فـيض لدموع

اتنادي وهي تجذب الونّه بقلب موجوع

يـابو علي نقطع رجانـا لو لك ارجوع

ماظنتي ترجع يَضنوة داحي الـباب

وتجلس مع سكينه ابحَـر الشّمس وتـنوح

والـدّار مكشوفـه ومنها الدّمع مسفوح

اتقلها يَسكنه عقب عزّي وين انا روح

وحسين فت قلبي ونحل جسمي بهالمصاب

و الله يَسكنه عقب ابوج حسين ما عـيـش

و لَنسى مصاب الْنحَل جسمي و نغّص العيش

و لَـنْسى اتْشتِّـتـنا و طلعـتـنا مداهيش

و ارجالنا كلهـم ضحايـا فـوق لتراب

زينب و دار الحسين...

وقفت ابـبّاب الدّار زينب والنّساوين

وتصيح وين حسين يا دار الميامين

* * * * * * *

يا دار وين اهـل النـبوّه و الرّسـاله

واللي أفاض الله عليهم من جلاله

وين الانوار اللّي على ابوابك تلالا

اُو ويـن لوفود اللّي ابمطاياهم امخـيمين

يـا دار وين اهـل الرّياسه والامـامه

اشمالج امظلمه اُو وينها ذيـج النّشامه

انجوم السّما جانت على اسقوفك علامه

ونورك يـعم اعْلَى المديـنه اشمال و يمين

يادار وين حسين اخـيّي و وين عـبّاس

اشبال ابويـه اللّي على جتف النّبي داس

وين القروم الهاشـميّه الترفع الـرّاس

بالعجل ردّي جْواب خبريني عن حسين

اتقلها يهلّلي اعْلَى لَـبواب اتخاطبـيني

وعن بيت ابوطالب يَحورا تنشديني

ويّاج طلعوا امْن المدينـه و فارقوني

آنــا أَنشـدج يالوديعه عـن هَلِـج وين

عنّي ابجلاله و شرف ويـّاهم طلعتي

آنا الأنشدج عن الدّوله ماهـو انتي

يَمخدّرة حـيـدر ابهالحـالـه رجـعـتي

بـس اليـتامى يا حزيـنه و النّساوين

أرد انشدج شمس الوجود حسين وينـه

أوحش الدّنيا و انطفى نور المديـنه

ويـن لَبطال اللّي عن اشماله و يمـينـه

حرمـه بلا وليان يـا زينب ترجعين

أرد انشدج جسّام ويـن اُو وين لَـكـبر

ويـن الاسـود الضّاريه من اولاد حـيدر

جسّام و عضـيده و عـبد الله و جعـفر

ذيـج لـبدور السّاطعه اولاد ام الـبنين

اتقلها يدار حسين هاجت بـي احـزاني

منِّـج طلعت و حايطه الـهودج اخواني

يحدون بالـتّهجــيـد حلوين المعــانـي

وارجعت نحلانه ولاشوف الدّرب زين

مخاطبتها للـدّار

ردّي عليّه جْواب يادار الولي حسـين

وين لبدور اللّي قبل بـيهم تزهرين

* * * * * * *

يادار يوم اللّي طلعنا شلون ممشـاي

و حسين و اخوانـه اليوث الغاب ويّاي

والامر مـن عبّاس مشّوا الظّعن بهداي

ابهيـبـه مشينا و العشيره شمال و يمـين

ابهيـبه ارتحلنا و بالهضم جيـناج يـا دار

راحت مشايخـنا و صفيـنا ابوليـة اشرار

يـا دار ما غـير الحـرم و اطفـال لِـزْغار

عندج تلوع وتندب وتـنشد هلج وين

يـا دار غابت مـن سماج اشموس طـيـبه

والغاب غابت عـنّه اليوث الحريـبه

سكنت حماج البوم و غراب ابنعـيـبه

عقب الـتّلاوه و الدّرس قفرا تصيرين

يا دار بظلال الأهل منّـج مـشــيـنا

و جـينا بليّاهم عسى لاجان جــينا

بعد اخوتي بْـيا عين اعاين للمدينه

مدري أنشدج لوتـنشديني عن حسـين

يا دار خلّيـناه بَـرض الطّف عريـان

مـا لـه امواري و الكريم ابـراس لسنان

قوّه مشينا والـتسوق الظّعن عدوان

و الظّعن ما غـير العليل اويا النّساوين

وتالي رجعنا الكربلا وشفناه مدفون

ويَـم قبر اخويـه حسين هـيّدنا بلـظعون

ذابت على قـبره اقلوب وعميت اعيون

و جينا و جـبنا من دما اخوتنا نياشين

جـيـنا و دم احبابـنا تحــفة سـفرنـا

والـدّهر هدّم طود عزنا و انكسرنا

خلصت جتل شبّانّا و احنا انيسرنا

لو ردْت اعدّد هالمصايب ويني اُووين

السجاد مع أبي حمزة الثمالي

قلبي يَـبو حمـزه تراهُو اتـفـتّت اُوذاب

مثل المصيبه اللّي دهتـني محّـد انصاب

* * * * * * *

ذيـج لَقمار الـلّي ابمنازلـنا يـزهرون

و اللـيل كـلّه امْـن لعباده ما يفترون

سبعـه و عشره فـارقتهم كلهم اغصون

ابـفـرد سـاعه وسّدوهم حــر لـتراب

لوشفت جسم اللّي على المسناة مطروح

وذاك الشّباب اللّي صباح العرس مذبوح

لـو شفت لَكبر ما لـمـتني ابكثرة النّوح

ما خلّت النا كربلا شيخٍ ولاشاب

ابعيني نظرت حسين بـيده الطّفل منحور

و امّـه الرّبـاب اتعاينـه و ادمومه اتـفور

و قلوبـنا فـتها ابونـينـه و عيـنـه اتـدور

وكلما طلع منّا بدر بالمعركه غـاب

ومصيـبة اللّي هيّجت حزني علـيّـه

عاينت صدر حسين تحت الأعوجيّه

وحرقوا خيمنا وركّبوا زينب مطيّه

شَحْجي يَبوحمزه وشعـدّد من هلمصاب

قلّه يَشبل المصطفى و رب السّياده

صار الجتل ليكم يهَل هالبيت عاده

وانـتـو كرامتكم من الله الشّـهـاده

امعوّد على كثر المصايب يَـبن لَنجاب

قـلّه يَبو حمـزه حشاي ابنار ملهوب

لا زاد يـهـنا لي ولا اتهنّى ابمشروب

تشـهير عمّاتي يَـبو حمــزه بلـدْروب

نحّل ترى عظامي ولذيذ العيش ماطاب

/ 54