جمرات الودیة نسخه متنی

سـلّمت لله وكسـروا ضلـوع الوديعـه
جـاروا علـينـا وضيّقـوا بـينـا الوسـيعـه
في رثاء مولى الموحدين وأمير المؤمنين (ص)
في رثاء مولى الموحدين وأمير المؤمنين (ص)

والله عجـايب خـارجيّه وضنوة اشرار
لكـن مهرها ماجرى مثله ولا صار

بـس مانظر يمهـا و صـد الهـا ابعينـه
قلهـا اخبريـني ابمهرج اللّي تطلبـينـه
لبست حليها والحلـل وارخت شعرهـا
اتقلّـه طلـبتي بـالخـلـق محـّد قـدرها
قلهـا دطلـبي غـير حيـدر قـالت امحـال
قصدي أشتت هَلَولاد ايمين و اشمال
اتحـيّر و قلهـا ما سمعنـا ابكل لدهور
لكن لخـلّي بـيرق الاسلام مكسور
ليلـة القشره من لفت حيدر بقى يدور
ويقلّب الطرفه وبناته تنوح بالـدّور
ام كلثوم طلعت تسحب اذيال المصيبه
الليلـه يـبويـه حالتـك والله عجـيبـه
قلهـا يـبنتي العمر قـوَّض والأجـل حان
يحفظكم الله امن التّشـتت يـال عدنان
يابـوي مـا نقـدر على هضـم وفجايـع
اقعـد ابـّيتك والحسن يطلع الجامــع
خـوفي يـبو الحسـنـين يتنكّس لوانــا
خـوفـي يغيلونـك و تتشـمّت عدانا
ردهـا وطلـع والدّمـع يجري فوق خدّه
وانحــل يويلي ميزره واوقف يشدّه
نـادت حسـن يحسـين يابن الحنفيّـه
دركوا أبوكم و الـذي عشتوا ابفيّـه
قام الحسن من مضجعه والدّمع مسفوح
قـلـّه يَبويـه هالامـر مكتوب باللـوح
رد الحسن للدّار يصفج راح ابراح
صيوان عالي للهواشم قوّض وطـاح
و الكافي الله امن الدّهر ياخلق لو جار

غالـه الطّـاغي بسجدتـه انشـلّت يمينه
طـرّت الهامه و وصْلت الجبهة الجبينه

بالفوز معلن صاح و اتغرّق امصلاّه
ومـدّة حياتـه بـو الحسـن مالفظ بـالآه
مولود بالكعبه وهـذا الخـبر مشهور
والخاتمـه بمسجـد الكوفه الرّاس مطرور
جبريل يعلن بالنّواعي ابذات لبروج
تعلّت الضجّه وبالخلايق ضاقت افجوج
عنـدي أبويـه الليل كلّه يضرب افكار
مـاتخـبرونـي اشصايـر بحـيدر الكرّار
ليـث الحرايب وصّلوه الوسط داره
شدّوا الرّاس ابميزره و زاد اصفراره
عــاين الضّربـه وقـال ياشمـس المضـيـّـه
وصلت دماغـك ضربتـه نسـل الدعيـّه
ويـلاه مـن بـيّن فـجـر لـيلـة العـشرين
وقال اطلعت يافجر يوم ونام ابوحسين
وليلـة القـدر الثّانيـه غـابت انـواره
اتلقّـاه ابو ابراهيم و البـاري اخـتاره
وقامـوا بجـهازه بالبجا وضجّت بنينـه

هالضّربـة القشره يـبويه امنين حـلّت
بعـدك يـداحي البـاب شوكتـنا افتلّت

هالضّربـة اللّي هدّت اركـان لمسلمين
من جسر يالاهوتها الأعظم يـبوحسين
بطّل ونينـه و الدّمـع هـل او تحــدّر
هـذا الـذي مكـتوب لي من عالـم الذّر
آنــا الذي ماهاب مـن خيل ولا رجال
لـو حـوربت بالكون بـيـه يحـل زلـزال
إسمي أنـا معروف بـالشـدّات لصعـاب
واشوف يـبني طحت من ضربة المحراب
صلّيت أنــا بصفّين فـي حومـة المـيدان
و لاسطى ابهالجسد بـتّار و لا سـنان
اصفرّت الوانه وسال دمعه وضل ينادي
سـكتوا تـرى نزف الدّمـا فتّت افّـادي
و زينب اتـنادي هالذي محمول من وين
قـالـوا لهـا يمخــدّره ســيّـد الــكـونـين
حنّـت ودمـع العـين فـوق الخـد همّال
محمول يا بوحسين فوق اجتاف لرجال
معلوم من بعدك بني عدنان ذلـّت

ظلّت بنـات المرتـضى كلهم يـنوحون
يقولون ابـونا ياحسن متغيّر اللون

اتحـرّك يَويلي المرتضى وبطّل ونينـه
قلهم كـلامي يا ولادي تسـمعـونـه
جنّي بشـبلي الحسـن فـوق التّرب نايم
والكـل ذابت مهجتـه والدّمـع سـاجـم
وامّا المصيبه اللّي اتزلزل هـالوطـيّـه
جـنّي أشوفـه عْلى الـثّرى نـايم رمـيّـه
و زينب انفجعت حين سمعت هالوصيّه
بـانت يحـيـدر أوّل الـذّلــه عـلـيّــه
اتحسّر يويلي صاحب الـنّفس العطوفـه
جنّي أشـوفج حايـره ابوسطـة الكوفـه
هـلّت دمعهـا ونادته والقلب ذايب
بعـدك يبويـه يساعد الله عْـلَى النّوايب
يـاليت مَتـقَضّت ايّامك يا ضِيا الكون

أوصيـج يازينب ونفـذي هالوصيّـه
كفلي يتـامى حسـين بـرض الغاضريّه

قـالت يـبويـه هالمصيبـه اللـّي تجينـا
قلّي يـبويـه ياعلي اشيجري علينــا
الله يمـا اجسادٍ علـى الرّمضـا طريحــه
وياما شــباب عْلَى الثّرى يعالج بروحه
و اعظم عليّه مصيـبةٍ تحني الأضلاع
مقدر أخبّركم و هذي ساعة انزاع
قلها من اخوانـج و تخـتارين لابـاس
هــذا الحسن وحسين ومحمّد وعـبّــاس
قالت اريـد امن اخوتي اللّـي يخدموني
اخـواني كلها ابطال جان اتخيّروني
نـادى عليـه ودم دمـع عينه يذيعه
قـلّـه أنـا أعظـم مـن احـصون المنيـعـه
مــادام راسي سالم و سالم لـج حسـين
ولو طاح جسمي عْلى الثّرى لازم تعذرين
مـن عـقب حـز الرّاس لا لـومٍ علـيّـه

نــزلة الكوفـه يـاعلي قشره علينه
نطـلب من الله تـطيب وتردنـا المدينه

قشره علينه نزلة الكوفه يبو حسين
قلهـا الحسن يخـتي السّـلامه للأبو منين
ماظـنّتي مـن طـبرته حامي الحمـى يقوم
مقـزِّر أبـونا حسبتـه يومٍ بعد يـوم
قـالت يَعقلي نطلب امن الله السّلامـه
ونـعـيـّد ابزينــه و لا انعـيّـد يـتــامى
يخـتي يَزيـنب جان عيد اتعيّد الشّام
و احنا بـعـد ليلـه و يوم ونصبـح ايتـام
صاحت عسـى بعيـد البلا يا قرة العين
اسم الله علىكهف الأرامل والمساكين
فـتـح عيونـه المـرتضى والـدّمـع يجـري
قـالت يبو الحسنين بعدك جيف صبري
يــا بـوي جيف ارجـع بليّـاك المدينـه

مات الوصي ونهضوا اولاده يجهزّونه
مـوصي عليهم وسـط بـيتـه يغسّلونـه

اختصّوا بتغسيل المطهّر حسن وحسين
يتقلّب اعلَى المغـتسل مابين لـثـنـين
امنجّـي سـفينـة نـوح حطّـوه ابسـريره
تـتخـضّـع الجـدران لَـنـواره المـنـيره
طلعت الحورا تـنـتحب والقلب مرتـاع
سلَّم على الهـادي ومكسورة الاضلاع
وَسْـفَه و ألف ياحيف ياهزّاز لحصون
سـاجـد الربّـك غالـك الغـادر الملعـون
جـيف البصر يا والد الغر الاماجـيد
من يـبتسم ثغره وياهو يلبس جديد
يـايـاب طـلاب العلم واهل الفضايـل
يَـولاد حيـدر ويـن حلاّل المشاكل
ينشعـب قلبي و مهجتي تـتواقد ابـنار
لـو لاحـظت عـيني يـبويـه بعـدك الدّار
باجر يـبويـه ايصير بَرض الشّـام عيدين
منّـك نشوفـه خالي المسجد يبو حسين
هــاي المنابر والخطيب اليوم وينـه

شافت ابوها وبالدموع انفجرت العين
صاحت عسى بعيد البلا مسجّى يبوحسين

ياحسن شيل اعمامته و هَلجرح شدّوه
وهـذا يَبعـد اهلي القطن للجرح خلّوه
بِـلهون قلّب والدي وشدّ الجـرح زين