جمرات الودیة نسخه متنی

أقبـل عـلى اخوانه و هل امدامع العين

وقلهـم جنـازه ومعركه والنّـاس حزبين

و هلّي تدفنونه يخويه بو علي امـنين

قـال الحسن و اوغاد اميّه طاردينه

مطـرود عن جدّه الهادي و عن جواره

و مـروان جـانـا عـد قـبر جدنـا ابغاره

ونفثت علينا اسمومها بنت الامـاره

و احنا ابمصيـبتـنا وهم هجموا علينا

ونعـش أبـو محمَّد يـا محمّد صار نيشان

عِـد قـبر جدنـا المصطفى للنّبـل والـزّان

اتكنّى و نده قـلّت شيمكم يـال عدنان

أجـلاف اميّه عن الهادي يـطردونا

بالعجـل يليوث الحـرب سـلّوا المواضي

مـروان يحكمنـا وحكـم السّيف ماضي

لحـّـد يـبن حـيدر بهـذا الحـال راضــي

يرمـي النّعـش مروان خويه وتتركونـه

قـلـّه عـدانـا اللـوم يـابن الحـنـفـيّـه

تـدري بخوك حسين مَـيهاب المنـيّه

لكن عضيدي الحسن قيّدني ابوصيّه

و قلّي الدّم لَيكون لجلي تسفكونه

لـولا الوصيّه جان شفت اشنفعل اليوم

ولازم ابجنب المصطفى ندفن المسموم

قلّـه اشـعبتني ابهلخبر ياكـنز لعلـوم

ثـاري الحسـن يانـور عيني سامِّينه

مسموم ريحانـة الهادي ومـا تـثورون

عـن هالذي سمّـه وفجعنا ماتفتشون

ايروح الحسن غيلـه ولا يتعّمـر الكـون

هـذي دسايـس شجـرة الخبث اللعينه

وصول ابن الحنفية ساعة التشييع '

شالوا الجنـازه و وصّـل ابـن الحـنفـيّـه

و شاف المصيـبه اقـبال عـينه و الرزيّه

فاض البقيع و فاضت ابرور المدينـه

و اشـبال حيـدر بالوقار و بالسّكينه

طلعوا مـن المسجد بخوهم شـايلينه

و فـرّت ابضجتها الحريـم الهاشميـّه

مـن شـاف هـالحـاله ترجّـل عـن نجيبه

ومـن شـافهم كلهم هواشـم شق جيبه

و شاف الشّهيد حسين و اتعلّى نحيبه

و نـاداه خبّرني ابعجل يَبن الزّجيّه

يحسين خبّرني عَلَي دنياي وحـشـه

كلكم حريم و زلم فرّيـتوا ابدهشه

و وين الحسن لَيكون هذا النّعش نعشه

وصارت الضجّه وغابت الشّمس المضيّه

قلّه نعم هذا الحسن عزنا و ضمدنا

و هالدّار ورث امـنا و بـيها قـبر جـدنا

وبـيهـا الاجانب تندفـن واحنا انطردنـا

وانــا يخويـه مـقـيّـد بقيـد الوصيّه

حن وجذب حسره وصب الدّمع سجّام

ويـلاه من شمتة عدونا اُوجور لَـيّام

باجـر بشـاير ياعضيدي توصـل الشّـام

وتفرح هند والحزن سهم الفاطميّه

حطّوا النّعش ويلاه ياساعة القشره

من نزّلوا مهجة الزّهرا وسط قبره

وحسـين دنـّق وانـتحب والعـين عبرى

يقلّه يخويـه وداعـة الله هاي هيّه

وهالوا تراب القبر وانهدّت اركانـه

و روّوا اتـراب القبر بالمجمع اخوانه

و شمّامة الهادي الذي وجّر احـزانـه

رجعـة البـيت وشوفتـه داره خليّـه

و شوفة اجعيده جالسه شبه الحزينـه

تـترقّـب الانعـام مـن نسـل اللعـينـه

و زيـنب اتنادي وين اخيّك ياولينا

مظلم البـيت و موحشه الدّنيا عليّه

الحسين على قبر الحسن

اتخوصر على قبر الحسن مهجة المختار

يجذب الونّه والدّمع بالخـد نـثّـــار

ايـنادي يخويه موحشه ابـيوتك علـيّه

والدّهر بعدك يا عضيدي خان بـيّه

مقـدر عـلى طبّـة المـنـزل هالعشيـّه

وانـظر ايتامـك بالكسيره ياحمــا الجـار

شـاقول لو قالوا يعمّي وين ابونــا

وشـالبصر لو زيـنب تلقّتـني حزينـه

تلطـم عـلى الهامـه وتقول الحسن وينـه

اتضيّج عليّ الواسعه و اتـزيـد لَفكــار

اتزفّر و صاح و عبرته تجري بلخدود

ودّعتـك الله يالـذي باللحد ممـدود

من هالسّفر ماظن يبومحمَّد لنا اتعود

خلّيت قلبي الفرقـتك متوجّر ابنـار

حـطّ اللبن فـوق اللحـد والدّمـع سافح

و التّرب هاله و اخوته ضجّوا بصوايح

هــذا يجـود وذاك فـوق الـقـبر طـايــح

وحسـين من كثر البواجي وقف محـتار

وارى عضيده في التّرب والقلب مكسور

و امن المصـيـبه حول قبر المجـتبى ايدور

واشبال هاشم حول قبره ولالهـا شـعور

و كلمن الوجده يصفج اليمنه بليسار

ردّ السـّبط تجري ادموعـه فـوق خـدّه

اينادي عضيدي استوحشت دنياي بعده

و الله الأخو يكسر ظهر خيّه ابفقده

دهــره يضكّـه و يمتـزج عيشه بلكدار

ابن الحنفيه على قبر الحسن...

هـذا الحسـن مدفـون يـابن الحنفيّـه

غـايب يَوَسفـه ولا حضرت الهـالرزيّه

اتخوصـر على قـبره يهـل امدامـع العين

يجذب الحسره وينتحب ويصيح يحسين

هلّي سطى وسم الحسن يليوث من وين

وخـلّى البتوله بالقبر تنصب عزيّـه

ونـادى يـبو محمَّد أسـف ماجنت يمّك

و انت طريح افراش تـتلظّى ابسمّك

ياليت ضمني قبرك أُولاجان ضمّك

معلـوم سمـّك مـن دسايـس آل امـيّـه

امن الـنّوم دقـعد يالذي حلوه اطباعك

انـت الذي لو تامر اعلى الموت طاعك

ياحيف خويه ماحضرت ساعة اوداعك

و افديك يـا مهجة الزّهرا امن المنيّه

خـويـه يـبو محمَّد شـعاين عقب فرقاك

ابـيوتك يخويـه موحشه و ظلمه بليّاك

وسفه يبو محمَّد علينا شمتت اعـداك

واحـنا تهيج احزانـنا صبح ومسيّه

ماطالت ايّامك يبحر الكرم والجود

لا تفرح العـدوان عدنا امن الفخر طود

ماينثلم عزنا وابو السـجّاد مـوجـود

يتشيّـد العـز بالسّـلالـه الفاطـمـيّـه

وعـاين أخوتـه وصاح لا يزداد همكم

أشـبال حيـدر والعـدا ترهـب هممكـم

بـس يالهواشـم لا تفـوت العدا ابدمكم

بالعجـل دركـوا الثّـار يليـوث الحميّه

و هالوا على سبط الرّسول اتراب قبره

و امّا الشّـهيد حسين يتنحّب ابعبره

ومحّـد سمـع منّـه يقـول انكسـر ظـهـره

وحوله اليوث امن السّلاله الهاشميّه

لكن وقفـته عْلَى البطَـل مقطوع لزنود

وشاف العـلم مرمي و يمه امـّزق الجود

صاح انكسرظهري وبقيت وحيد مفرود

دنهـض يعبّـاس العـدا دارت عليّه

في رثاء عبرة المؤمنين الإمام الشهيد أبي عبد الله الحسين (ص) ومايتعلق بواقعة الطف

هلال المحرم و أحزان عاشوراء

عاشور هلّ وبالضّماير شب نيران

راح الفرح عنّا وغشانا بظلمة أحـزان

صـارت مـآتم فـي السّماوت العليه

و بنت النّبي اويا الحور نصبت له عزيّه

والـكل ينـادي يـاغريب الغـاضريّـه

وهـذا يـنادي واشهـيدٍ مات عطشان

لبست الشّيعه ابكل وادي اثياب لسواد

عـافت المكسب والحزن بالقلب وقّــاد

نصبت مآتمهـا عـلى بو زيـن لـعبـاد

تبـذل عـلى ابن المصطفى غالي الأثمان

و اتشـوفها لو طـبّت المـاتم ابـزفـره

هـذا يهـل دمعـه وهذا يجـر حسره

هـذا يـدق راسـه ويلطـم فـوق صـدره

والكل عليه امن الحزن واللطم عنوان

مـحّد تـولّـع بالـبكى ابكل الـبريـّـه

مـثـل الحـزين الوالـه ابـن الحنـفـيّـه

هـل الهلال و هلّت ادموعـه جـريّـه

بس ينتحب ويصيح ياوحشة هلوطان

سـافر أبو السجّاد يقطع بـيد لبرور

قـاصد للعـراق وتركهـا موحشه الدّور

خايف على اخواني أنا مْن أيام عاشور

الله يعـوده الهالمنازل قـمـر عدنـان

الحسين في وجدان الشيعة

وحـق راسـك المقطوع ياشمـس المضيّه

للحشـر ماننسى مصابك و الرزيّـه

ننسى و سهم الصاب قلبك ياذرانا

ذلنــا و فـت اقلوبـنـا و نكّس لوانـا

وتقطـيع جسمك بالـثّرى قطَّـع أمعانـا

وخيلٍ وطت صدرك على حر الوطيّـه

داسـت يَـبن حيدر على اصدور لمحـبّين

و بقلوبنا اتخلّيك عاري ابغـير تجفين

و ذبح الطّفل ننساه هـذا امحال يحسين

ولا ينّسى اركوب الوديعه عْلى مطيّه

يحسين كلنا نعتني لك كربلا انزور

بـس ما نوصّلكم و ننظر ذيـج لقبور

ندخل الحاير بالحنين و لطم لصدور

و انحـوم مثـل الجلَب لوفارق حميّه

ونشوف عد رجلك علي يحسين مدفون

و اتهيج زفرتنا و يقرّح ماي لعـيون

و نـتذكّر اوقوفك علـيه ابقلب محزون

محني الظّهر و اتصيح يَـبني قطعت بـيّه

و ابكل فريضة اتروح للحاير الشّيعه

و مـن مشهدك تطلع وتقصد للشّريعـه

اتزور لقمر لَزهر أبو جفوف القطـيعه

شــيّال رايتكـم و سـور الهاشميّه

و بعـد الزّيارة للمخيّم بالبجا انعود

بس ما نطبها اتسيل دمعتنا بلخدود

نذكر امنادى بن سعد ياقوم فرهود

حرقـوا الخـيم سلبوا الحريـم الخارجيّه

نذكر اوقوف مخدّرتكم شابحه العين

للمعركـه والخيـل حاطـت بالصّواويـن

اتـنادي يعدوان الله الله ابهالنّساوين

لا تروّعوهـا راقـبـوا رب البريّـه

يا ليتنا كنا معكم

يـامهجـة الـزّهـرا وشمـّـامـة المختـار

عـفت لَوطان و جيت من جملة الزوّار

يحسـين مالبّاك جسمي يوم لطـفـوف

عند استغاثاتك وحولك حايطه صفوف

حظّي قعد بي عن امصافح ذيج لسيوف

فـازوا بْنصرتك ياشفيّه صفـوة انصـار

و انجان مالبّى لك السـاني يصنديد

يـوم اوقفِت محتار مـابين العدى اوحيد

و اتعـاين الشبّان صرعى ابغـير توسـيد

لبّـاك قـلبي يـا بقيـة بـيت لَطـــهار

قلـبي أجابك و انفطر و اتفجّـر ادمـوم

وسمعي بسماع مصيبتك والنّوح كل يوم

وعيني أجابت واهمَلت منها الدّمع دوم

قلبي و هواي اوياك و المهجه اشعَلت نار

كعبة الشّيعه امصيبته اتفت الجلاميد

ذاك العـزيـز اشلون يـبقى بحـرّة الـبـيد

من حول جسمه مصرَّعه ذيج الأماجيد

دمهم غسل و اجفانهم سافي مْن لغبار

يــا شيعة الكـرّار مـافـيكـم حـمـيّـه

ما جان أخذتوا اجفان رحتوا الغاضريّه

شـلـتوا حماكـم لا تدوسه الاعوجيّه

و جبتـوا حريمه لا تروح ابـيسر كفّـار

قوموا نروح الغاضريّه وناخذ انعوش

ونـواري أجساد بقت طعمـه للوحوش

زيـن لعـباد إمامكـم بـالمرض مدهـوش

انعـزّيه باهله ومن خيمهم نخـمد النّـار

قـوموا نـروح الكربـلا انغسّـل الشبّان

ونشيل جسم حسين ونفصّل له اجفان

و راسه يشيعـه انـنزّله عن راس لسـنان

والحرم نـرجعها و لزينب ناخذ خمـــار

ظلّت تراهـي امسلّبـه وحسين مطروح

وعدها عليل ومن ونينه يـذوّب الـرّوح

حرمه بلا والي تنادي وين أنا روح

و حسين باليني ابـيتـامى ازغـار وكبار

حـرمـه وغريـبه ودمعها بالخـدّ هـمّـال

واصيح وين اهلي وعمامي اتعاين الحال

عندي جنازه امعطّله ولا عندي ارجال

اسمعتوا يشيعه هالمصايب مثلها صار

و انجان قـلـتوا ابـن النّـبي مَـيْـجفنـونـه

هـذا شهيـد و مـن دمـاه ما يغسّلونـه

ذاك الشّهيـد اللّي يظل ما يسـلّبونه

وامّا الـمسلّب ما يوارونه بـلَســتار

و انجان قلـتوا حسـين مـتغسّـل ابدمّـه

هــذا صـدق لكن اموزّع صار جسمه

و اعضاه كلها امفرّقـه قوموا نلمّه

و ابقلوبنـا اندفنه ولا يـبقى بلوعـار

الزّهراء في المحشر

مـن هالذي مقطوع راسه ياضيا العين

بـس مانظرته انفطر قلبي وصار نصّين

من هالذي شوفة احواله تشعب الرّوح

جسـمه امبضّع ياعزيزي وكلّه اجروح

بس عاينت له سال يابني الدّمع مسفوح

اخـبرني هَلمقطّع يَـنور العين من ويـن

صـاح الحسن و اتفجّرت عينه بلدموع

و اتحسّـر و طوّح الونّـه ابقلب موجوع

هذا عضيدي حسين منّه الرّاس مقطوع

ابنج يَزهرا جاي لا راسٍ ولا يدين

هـذا الـذي ذبحـوا عـلى صـدره فطيمه

وذبحوا اولاده واخوته وسلبوا حريمـه

وشـالوا على الخطّي عقب ذبحه كريمه

هـذا الـذي خلّوه عـاري ابغير تجفين

هـذا الـذي داس الشّمر صدره بلنعـال

و انذبح ضامي ما ارتوا من ماي لزلال

هـذا الذي شـالن حـريمه فوق لـجمال

مـن غـير والـي وقّـفوهـن بالـدّواويـن

و اتجـدّد المــاتم و دمـعـتـهـا جـريــّه

و اتصيح يَـبني هيّجت حزني عليّـه

هــذا الغـريب اللـي انـذبح بالغاضريّـه

ايقلها نعم هذا يَـزهرا اعزيزج حسين