«نوحه حضرت على اكبر(عليه السلام) (زبانحال)»

من علىّ اكبرم عطشان بابا گل هرايه آديوه قربان بابا
يخدلار آتدان منى بو كوفيان وارسنه عرضيم بابا ايلوم بيان
شمر كافر گوزلرينى دُتدى قان اَلده خنجرقتليمه اولدى روان
چوخ وُروبلار كوفيان اولمشام من ناتوان
گوزلريمى دُتدى قان تِز يتش الآن بابا
قويما تز بيلسون آنام بومطلبى آگه ايله گَلسون عمّم زينبى
قويما گورسون قاتل لامذهبى آلدلار گور انتقام مرحبى
گور يخوبلار اكبرى آغلادور پيغمبرى
خشگ اولوبدور لبلرى تشنه دورقربان بابا
گَل وُرولاّر اكبرى دشمنان آزقالوب اكبرده وِرسون تشنه جان
تز يتيش فرياده اى شاه جهان باش سنوبدور گوزلريمه دُلدى قان
ايله بير احسان بابا من سنه قربان بابا
گوركه سعداُغلى وروب قتليمه فرمان بابا
تِز كَلن درك ايلرن سن اكبرى گوردم الآن من بابام پيغمبرى
اَلده سو جامى چاقوردى اكبرى گوربابا سيراب ايدوبدور لبلرى
آختارور جدّيم سنى آلدى آغوشه منى
اَلده سوجامى دوروب سسلنور تزگَل بابا
من فداى دين وقرآن اكبرم من فداى عهد وپيمان اكبرم
من شبيه مطلق پيغمبرم بوگجه نزد رسول اكرمم
تزگل اى مير هُدى غيرتيوه من فدا
اى لـب عطشـانيوه من اولوم قربان بابا
تزيتشدى قانلى ميدانه حسين لشگرى سندردى هريانه حسين
نچه يوز اُلدردى بيرقانه حسين بلكه چاتسون تشنه قربانه حسين
چاتدى قربانه حسين ساتدى جانانه حسين
هى ديردى بيردانوش من سنه قربان بابا
نعشينى تاپدى علىّ اكبرين لبلرينه قويد عطشان لبلرين
گوردى بى حد دُغرايوبلار پيكرين آلدى آغوشه اوقانلى پيكرين
هى اوپَردى لبلرين ناز ايدردى اكبرين
هى دير آچ گوزلرين گوزلره قربان بابا
سن ازون كامه يتشدون اكبريم گوراُغلسوز دور آتان اى ياوريم
دور كمك ايله يوخمدور لشگريم اُلدى عباس وتمام لشگريم
من اُغلسوز قالمشام گور فراقه يانمشام
انتقامون آلمشام آديوه قربان بابا
بيراُغلسوز شاهم ويوخ بيركسيم شيعه لر ايكاش اشيدسونلر سسيم
اهلبيته يار اولان يوخ بيركسيم لبلريوه من فدا اى هركسيم
سن بوياندون قانيوه من فدايم جانويه
اى سوسوزدان جان وِرن جانويه قربان بابا
چكدى آغوشه حسين قرباننى گَتدى چاتدوردى خيامه جاننى
طوس حناسى تك سيللّر قاننى اخشورى اهل حرم مهماننى
چهره سى الوان اُغول دينينه قربان اُغول
اى شبيه مصطفى من سنه قربان اُغول
يا حسين اى اكبريوه من فدا خشگ و عطشان لبلريوه من فدا
آلتى آيلوق اصغريوه من فدا آلتى گوشه مرقديوه من فدا
گوزلورى نورى جواب وِرجواب ايله صواب
كربلايه دعوت ايت قبريوه قربان بابا