«نوحه امام حسين (عليه السلام) روز عاشورا (زبانحال)»

اى عترتى شامه گيدن (مظلوم حسينيم واى ـ2 مرتبه) اُغلانلارن قربان ايدن (مظلوم حسينيم واى ـ2 مرتبه)
گوردوم دوشوب گودالده گل پيكرين عريان جسمين سويوب عدوان،يوخدورداخى امكان
رعنا جوانلار دُغرانوب مظلوم حسينيم واى مظلوم حسينيم واى
گوردوم علىّ اكبرى دُغراندى صحراده عطشاندى شهزاده يوخ رحمى اعداده
ليلا باخار هردم دِيَر، مظلوم حسينيم واى مظلوم حسينيم واى
اصغر بوغازون اُخلادى اول مرتد كافر گُل تك سولوب لبلر، اصغر اولوب پرپر
باخدى آناسى هى دِيَر، مظلوم حسينيم واى مظلوم حسينيم واى
عباس نام آور دوشوب درياكنارينده دشمن عباقندا ياندوم فراقنده
قولار دوشوب امّا دِيَر، مظلوم حسينيم واى مظلوم حسينيم واى
زينب گوروب قارداشلارون بير بير شهيد اولدى بيلدى اسير اولدى قزلار يتيم اولدى
باشه وُرار هردم دير، مظلوم حسينيم واى مظلوم حسينيم واى
اطفال بى صاحب هامى پخش اولدى صحرايه گريان بواوضاعه لعنت بو اعدايه
آغلار هامى بير باش دِيَر، مظلوم حسينيم واى مظلوم حسينيم واى
زينب دوشوبدور چولّلره قِزلار سراغينه آغلار فراقينه باخ بير دوداقينه
سولر اُلَيدى زينبون، مظلوم حسينيم واى مظلوم حسينيم واى
زينب تلاش ايلر تاپا اطفال بى يارى اول خُردا قِزلارى با چشم خونبارى
سَسلَر سكينم هارداسان، مظلوم حسينيم واى مظلوم حسينيم واى
گوردى رقيه يوخلايوب بير داش قباقنده زهرا قوجاقنده ذكرى دوداقنده
جوش وخروشيله دير، مظلوم حسينيم واى مظلوم حسينيم واى
آغلاتدى زينب ناله سى، جنّتده زهرانى شاه شهيدانى هم شاه مردانى
آه وفغانيله ديَر، مظلوم حسينيم واى مظلوم حسينيم واى
قان ياش توكر ارض وسما زينب نواسينه صبر وبلاسينه بوماجراسينه
هر سمتدن ناله گلور، مظلوم حسينيم واى مظلوم حسينيم واى
آغلار تمام شيعه لر ماه محرّمده خالى ايدر عقده اطراف منبرده
هر فرد آزاده ديَر، مظلوم حسينيم واى مظلوم حسينيم واى
نورى سيزه نوحه يازار هرآن وهر يرده گريان وافسرده نالان وپژمرده
محفلده مجلسده ديَر، مظلوم حسينيم واى مظلوم حسينيم واى