لطفا منتظر باشید ...
شعر و ادب تركى
يوسف شهاب: علينى رد ايلين، رد ايدوبدى قرآنى
امامى حضرت بارى گَرَك ايده تعيين مُحوّل هر كَسَه اولماز امور ربّانى
منادى آيه ى قرآنيدور، عليدى ولى
علينى رد ايلين، رد ايدوبدى قرآنى
منه وصى، سيزه اولى بنفسدور بوعلى
مباد ترك ايليه سيز بو وصايانى
بو امر امر الهيدى، نه منيم رأييم
امين وَحْيِدى نازل ايدن بو فرمانى
دوتوب گوگه يوزين عرض ايتدى اول حبيب خدا
كه اى خداى رؤوف و رحيم و رحمانى
عم اوغلومى دوتا دشمن او كس كه، دشمن دوت
محب و ناصرينه، نصرت ايله هر آنى
بو ماجرانى گورنده تمام دشمن و دوست
غريو و غلغله دن دولدى چرخ دامانى
او كى محبيدى مسرور اولوب، عدو غمگين
نه اولدى حدى سرور و نه غصه پايانى
قمرى: آيه يا ايها الرسول وصايتوه مدعا على
حكم خطاب آيه ى يا ايها الرسولتبليغنه وصايتوه مدعا على
خم غديره منزلى حج الوداعده
قيلدى سنى يرنده وصى، مصطفى على
يوسف معزى اردبيلى: اسلامون آرتروبدو بوگون حق جلالتين
پروردگار عالم ايدوبدور حمايتينبيلديردى ير يوزنده پيمبر رسالتين
گلدى غدير خُمّيده رجعتده ناگهان
روح الامين گتوردى پيام و بشارتين
بعد از سلام عرض ايلدى امر ايدور خدا
امّت لَره يتورسون على نون ولايتين
فرمان ويروب رسول امين كاروان دوشوب
فرمانينون گوروبدور اولاردا اطاعتين
منبر دوزَلدى چخدى همان منبر اوستنه
اوّل ايشيتدى امّتى قرآن تلاوتين
خير البشر على كمرين دوتدى قالخِزوب
حضار تا گوروبدور او صاحب شجاعتين
مولايم هر كيمه ديدى من هر زمانده
مولاسى دور عم اوغلوم همان با ديانتين
جبريل گتدى آيه ى اكلمت دينكم
اسلامون آرتروبدو بوگون حق جلالتين
